منتديات ولي الله
مرحبا بك ايها الزائر...... اذا كانت هذه اول مرة تزورنا
.......قم بقراءة التعليمات او قم بالتسجيل........
........وان لم تكن قم بالدخول.........
مع تحيات مدير المنتدى خادم اهل البيت


 
الرئيسيةبحـثالتسجيلدخول

شاطر | 
 

 قصائد في ذكرى إستشهاد الصديقة الطاهرة (ع)

اذهب الى الأسفل 
كاتب الموضوعرسالة
ولي الله
مشرف سابق
مشرف سابق
avatar


رقم العضوية : 3
الجنس : ذكر
المُسَــاهَمَـــاتْ : 72
تاريخ التسجيل : 15/09/2010
الجنسية : من هنا و هناك
my mms : فزت ورب الكعبة

مُساهمةموضوع: قصائد في ذكرى إستشهاد الصديقة الطاهرة (ع)   الثلاثاء 8 فبراير - 14:41


.
.

.

اللهم صل على محمد وال محمد وعجل فرجهم









علي عكَب الزجيه

لعاشقة زينب

علي عكَب الزجيه ماشاف الفرح
ولاخضب شيبه ولاعاش فرحــــان

علـــــــــي مانشفت دموعه لليوم
علـــــــي بعد الوديعه قلبه حزنان

علي كل ليله يم كَبر الحبيبه يروح
ويبجي ويرتل من سور القرآن

يقره علي ياسين والصافات
ويهديها لكبره بلوعه واشجان

علي للزهرة بنه بيت الحزن
وعكب فراكه صار لعلي بيت الاحزان

علي ياغاية الكرم والجود
ياراعي اليتامى ومشبع الجوعان

عفه صبرك يافارس بدر
يابطل صفين يا سورة الانسان

يابطل صفين ياسورة الانسان






نادينـــــــــــه يابــــــــــــــاب


للشاعر جابر النجفي

وإبحسره وإعتابْ == نادينه يابابْ
شنهو الحِدَث عد فاطمه == شِنْصاب منها إو ساهمه

نادينه ياباب
ــــــــــــــــــــــــــــــــــــــــــــــــــ ــ
نادينه ياباب الحزن شنهو الجره إو صار == شنهو الجره إو صار
من دَفْعتَك بيد العدو وبهجمـة الـــــــــدار == وبهجمـــــــــة الـدار
من طغمة الباطل إجَتْ تشعلها للنـــــــار == تشعلهــــــــــا للنـار
والبيت يندب ياعلي دَنْسوني الأشـــــرار == دَنْسوني الأشـــــرار
تمليه الجروح == وإينادي وإينوح
والصوت يوصل للسمه == شِنْصاب منها إو ساهمه
نادينه ياباب
ـــــــــــ
وإبكُل الم عدنه عتب ياباب ويّــــــــــاك == ياباب ويّـــــاك
ليش إنتَ ما شالك عزم وإفتحتْ عيناك == وإفتحتْ عيناك
صَدّيت ياباب العدو ذاكَ التَعَنّــــــــــــاك == ذاكَ التَعَنّـــــاك
وإحميت بنته للنبي وإتلوذ بحمــــــــاك == وإتلوذ بحمــاك
مَيْمُرك الضيم == لو غَيّم الغيم
لكن جره بيك الدمه == شِنْصاب منها إو ساهمه
نادينه ياباب
ـــــــــــ
ليش الضلع بيك إنكسر من الزجيه == من الزجيــه
والصوت مِنّه يِنْدِبَه حامي الحميه == حامي الحميه
هُوَّ الأساس إلكُل ظلم وإلكُل رزيه == وإلكُل رزيـــه
وإضلوع من بعده إنتهتْ بالغاضريه == بالغاضريه
وإنكسرتْ إضلوع == وإبكُل وكت نوع
وإبكُل وكت آثم رمه == شِنْصاب منها إو ساهمه
نادينه ياباب
ـــــــــــ
ياباب مسمارك جرح صدر الشفيعه == صدر الشفيعه
من عنده صَوّبها الألم أشرف وديعه == اشرف وديعه
أضحت عليله ام الحسن هاي الفجيعه == هاي الفجيعه
وإستشهدت بنت النبي إو بعده صريعه == بعده صريعه
بعدك يمسمار == كل شيعي إبنار
والدنيه أضحت جاهمه == شِنْصاب منها إو ساهمه
نادينه ياباب
ــــــــ
ياباب ما شفت الطفل صار الرميه == صار الرميه
مُحسن وكع من فاطمه ذيج الابيه == ذيج الأبيـــه
من وكعة المحسن بدت أعظم رزيه == أعظم رزيه
أطفال ذبحوها الكفر بالغاضــــــريه == بالغاضريه
وإتشاهد الحال == زينب والأهوال
تذكر طفل إمها إنْرِمَه == شِنْصاب منها إو ساهمه
نادينه ياباب
ـــــــــــ
ياباب ظلّتْ فاطمه بالحسره والآه == بالحسره والآه
تشكي الالم للمصطفه وإتنادي ربّاه == وإتنادي ربّاه
وإتنادي إبن عمها علي حيدر يبو الجاه == حيدر يبو الجاه
لَتْخَلّي يحضرني الغُصَب حقي إو نُكَر تاه == حقي إو نُكَر تاه
وإمحي القبر زين == نادت يبو إحسين
وإدموع حيدر ساجمه == شِنْصاب منها إو ساجمه
نادينه ياباب






جاوب يمسمار

للشاعر علي النبراس



جاوب يمسمار .. اشعندك من اعذار
يالفجَّرِت مني الدمه .. آنه الوديعه فاطمه
جاوب يمسمار
**
جاوب يمسمار الكدر عن هالظليمه
عن ماجنيته ابدنيتك واعظم جريمه
آنه الوديعه فاطمه الحره الرحيمه
عاتبتك ابحرگة أسى اعتاب الهضيمه

وابهالگلب نار .. ودموعي مدرار
واشلون ضلعي تفصمه .. آنه الوديعه فاطمه
جاوب يمسمار
**
مشكاة نور المكرمه الرب الجلاله
وانه يمسمار الهضم بنت الرساله
تقسي عليّه اشلون يالتحوي الرذاله
وبلا رحم شگيت صدري ابكل نذاله

وبصدري منشار .. واتگطع اوتار
والضلع مني اتهشمه .. آنه الوديعه فاطمه
جاوب يمسمار
**
ست النِّسا او فخر العفاف او علة الكون
والأنبيا والرسل كلهه ابفضلي يدرون
وانت أظنك من نسل أوتاد فرعون
صدر العرش طاوعك گلبك تكسره اشلون

واتصُبِّ لاكدار .. ابمشكاة لانوار
و ركن الديانه اتهَدِّمه .. آنه الوديعه فاطمه
جاوب يمسمار
**
گلبك حديد او صَلِب يامسمار دامك
چا ليش يهوي او ينحني الداود هامك
وانه الزچيه ام الحسن زوجة إمامك
تتصلّب اعليّه او تگطعني ابسهامك

كل فكري احتار .. منك يمسمار
ابفعلك بچت أرض او سمه .. آنه الوديعه فاطمه
جاوب يمسمار
**
ماتدرِيِ ابفضلي أنا نورٍ على نور
وانه اللي بيّه تفتخر ربات لخدور
أي وحگ رب اللي خلق لبحور وبرور
ابنورِيِ انخلقت هالسمه او أفلاكهه اتدور

تاليهه باعصار .. وعليّه يندار
منك يراعي المظلمه .. آنه الوديعه فاطمه
جاوب يمسمار
**
صح آنه يم احسين أطباعي شديدة
آنه جماد ابلاوعي وگلبي حديده
لا والله مو بيدي أصيبچ يامجيده
بس فتنة اصحاب النبي الزمره العنيده

من هجموا الدار .. دفعوني لاشرار
بسّك جوابك أفهمه .. آنه الوديعه فاطمه
جاوب يمسمار



يارب يارب ضلعي أتصوّب

الشاعر مازن الزبيدي
يارب يارب ، ضلعي أتصوّب ، أشـرح بلواي
يارب يارب ، دمــعاتي تصب ، أسمع شكواي
عن حيدر أخفي الجرى
عيــنـي إلك نـــاظـــرة
يارب يارب ، دمــعاتي تصب
أسمع شكواي
****************
يارب أشهد إنــك ياملك وحدك
يارب وأعـرف إنك ترحم بعبدك
يارب نافذ أمرك صادق بوعدك
يارب وأدري تعلم والخبر عندك
يارب يارب ، وحدك دايم ، والكل أيروح
يارب يارب ، إنته العالم ، ماتخفي الروح
بــــآلامي يامن درى
عيــنـي إلك نـــاظـــرة
يارب يارب ، دمــعاتي تصب
أسمع شكواي
ـــــــــــــــــــــــــ
ياربي الگلب يمـّـــك طــرح همّه
أنا الزهره أنا أوديعة نبي الرحمة
ينــــاديني حبيبك ، بضعته وأمـّه
رياحينه بنيني وبعلي أبـــن عمـّه
يارب يارب ، بيتي أمكرّم ، مهبط جبريل
يارب يارب ، وإنته التعلم ، عندي التنزيل
الكـــوثر أنا الطاهرة
عيــنـي إلك نـــاظـــرة
يارب يارب ، دمــعاتي تصب
أسمع شكواي
ـــــــــــــــــــــــــ
أبوي المصطفى بهذا الأمر يجهـر
لكتابي وعتـــــرتي التبع مايخسر
يــــارب وإنته تدري بزمرة المنكر
للهــــادي حبيبك وصّفـــوه يهجــر
يارب يارب ، حقّي أتصادر ، بعد المختار
يارب يارب ، دمع الناظر ، يـرويلك صار
مهـــومة متحــــيّرة
عيــنـي إلك نـــاظـــرة
يارب يارب ، دمــعاتي تصب
أسمع شكواي
ـــــــــــــــــــــــــ
محمد لو گصدني يضل على أعتابي
يطلب رخصة مني وينطر أجــوابي
والگوم أعتنوني أبنـــــــار يم بابي
يدرون آنــــه بيهه وسمعو أخطابي
يارب يارب ، نكرو گدري ، ودفعو هالباب
يارب يارب ، صابو صدري ، والضلع أنعاب
وإعله الألم صابرة
عيــنـي إلك نـــاظـــرة
يارب يارب ، دمــعاتي تصب
أسمع شكواي
ـــــــــــــــــــــــــ
يارب أشكي إلك چف السطر عيني
والبـــــاب الضربني وطيّح أجنيني
وأشكيلك ألــم نيرانه تچـــــــويني
عن حيــدر خفيــته وأكتـــم ونيني
يارب يارب ، وحدك تعلم ، هاي الآلام
يارب يارب ، أمرك لو تم ، تبقالي أيتام
منظــــــرهم أتصوّره
عيــنـي إلك نـــاظـــرة
يارب يارب ، دمــعاتي تصب
أسمع شكواي
ـــــــــــــــــــــــــ
ناديت الصميده ولوعتي بصدري
بالخفية أريدن روحتي الگبــري
شفت دمعة علي لمصيبتي تجري
يـــــارب والقضائك سلمت أمري
يارب يارب ، كسري ودمعي ، وحال أيتاماي
يارب يارب ،عيني وضلعي ، آخــــذهه وياي
للهادي خيـــــر الورى
عيــنـي إلك نـــاظـــرة
يارب يارب ، دمــعاتي تصب
أسمع شكواي



ام الحسن مظلومة

للشاعر اياد الفرح

أم الحسن مهمومة عاشت جزن مظلومة


ويصب دمعها كسرو ضلعها


أم الحسن مظلومة


....


انه الحرة العفيفة فـــــاطمة الـــزهرة


أبوي الغـــاب قوسه أبمنتهى السدرة


واكـــل جنة ثمر مـــوجودة بالـشجرة


امتحن اسمي الإله بــــلوحة الـــقدرة


وخلق مني الــحسن وحسين والعترة


أنولد صبري وربه ويـــاي عالــفطرة


اخــــذ مني الــصبر أيوب فــي صبرة


لجم ضلعي مصاب حسين وحز نحرة


أتغير وضعها كسرو ضلعها


أم الحسن مظلومة


....


يفــضة بضلعي أولادي لا يـــدرون


اخافن ينكسر خـــاطـرهم أويبجـون


اجــو للـــدار بعد ما جانو أيصلـون


الحسن وحسين أمهم رادو يشوفون


تـكلهم ناميمة أمكم حتى ميدخــلون


الحسن ناده ويــن أمي تنام شــلون


كعــدو يمهه يحـــاجوهه وشيحجون


حــاجينه عليج ابجدنه ويـصرخـون


زايد وجعها كسرو ضلعها


أم الحسن مظلومة


.....


يبويه يا رســول الله رحـت وينك


تشوف أصـار بيه مـن بعد عينك


الفرق شنهو الفرق مابيني وبينك


فــدك غصبوه بعـد ما خطته يمينك


علـي شتمـو بعـد مـا شو وهو دينك


الضلع كسرو وداسو في صواوينك


يضربون الحسن بويه ويه حسينك


أخــذني ويــاك لـو ترجعلي بسنينك


محد سمعها كسر وضلعها


أم الحسن مظلومة


....


يحيـدر أبوصيتي مــن تغــســلوني


صبو المــــاي عـليه ولا تكــلبـوني


وعلي بهــــداي لـو ردتـو تجفنوني


الضلع مكسور واخافن لا تلجموني


جيب أولادي يمي خــل يودعـــوني


وبس انته وحسن وحسين شيعوني


ونعشي أبليل ماكو أنضار أحملوني


اشكي هناك للبـــاري آلي ضلموني


يمه رفعها كسرو ضلعها


[center]أم الحسن مظلومة

________

نسألكم الدعاء

[/center]



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moontather
نائب المدير
نائب المدير
avatar


رقم العضوية : 2
الجنس : ذكر
المُسَــاهَمَـــاتْ : 292
تاريخ التسجيل : 28/08/2010
الجنسية : عراقي
my mms :

مُساهمةموضوع: رد: قصائد في ذكرى إستشهاد الصديقة الطاهرة (ع)   الخميس 7 يوليو - 15:56

تشكر اخي على طرحك

وجزاك الله الف خير


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصائد في ذكرى إستشهاد الصديقة الطاهرة (ع)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ولي الله :: ¨°o.O (المنتدى الادبي) O.o° :: » آلشعر ۈ آلخۈآطر-
انتقل الى:  
 
حفظ البيانات؟
دخول